Oleh; Jenaka
Tomy tanya dia pu Bapa,
Tomy: Bapa… Politik itu apa kaa…?
Bapa: “Anak, Bapak mau jelaskan sama ko begini”
“Ko pu Bapa ini yang cari makan untuk keluarga, jadi ko sebut saja Bapa ini KAPATELIS”
“Truss…!!! Ko pu Mama itu yang atur Keuangan di rumah jadi kitong sebut Mama itu PEMERINTAH”.
“Mama deng Bapa disini yang kasi ko pu Kebutuhan hari-hari. Jadi ko itu RAKYAT”.
“Truss… Ko pu Mama Ade yang datang bantu kitong di rumah sini. Jadi, kitong sebut dia itu BURUH.”
“Selanjutnya, Ko pu ade yang kecil itu kitong sebut dia MASA DEPAN.”
“Sekarang ko pikir sudaa… Ko su mengerti dan masuk akal kaa trada…”
Tomy mulai masuk ke kamar dan de mulai putar otak, apa yang dia pu Bapa baru bilang itu.
Pass… tengah malam, dia dengar dia pu Ade menangis. Dia bangun dan menuju ke dia pu Ade. Dia lihat begini… Dia pu ade basah karena kincing celana. Kotor karena air kincing tambah lagi deng buang air besar.
Tra maen tunggu lama…!!! Dia langsung menuju ke dia pu Mama deng Bapa pu Kamar. Dia lihat begini, dia pu Mama ada tidur sono. Dia tra mau kasi bangun dia pu Mama.
Truss dia pergi menuju ke kamar sebelah yang dia pu Mama Ade ada tidur.
Ternyata, pintu terkunci. Dan dia lur dari lubang kunci, di dalam dia lihat dia pu Bapa ada asik baku polo deng dia pu Mama Ade.
Dia tra bicara banyak dan truss kasi tinggal Kamar.
Pas Pagi begini, Tomy cerita sama dia pu Bapa.
Tomy: “Bapa… Sa sekarang su mengerti apa itu POLITIK…
Bapa: “Bagus anak, kalo ko su mengerti. Coba ko jelaskan ke Bapa dulu…!!!”
Tomy: “Begini Bapa… Ketika KAPITALIS sedang memanfaatkan BURUH, PEMERINTAH dalam keadaan tidur. RAKYAT hanya bisa menonton dan bingung melihat MASA DEPAN berada dalam kesulitan besar”.
“Maaf Bapa… sa terpaksa pake BAHASA POLITIK supaya PEMERINTAH tra tau.”
